శుభవార్తను చెప్పిన ఐకాన్ స్టార్ అల్లు అర్జున్
ది ఇండియా న్యూస్7 :
ఐకాన్ స్టార్ అల్లు అర్జున్ తన పుట్టినరోజు సందర్భంగా అభిమానులకు ఓ శుభవార్తను అందించారు. ఆయన నటించనున్న తాజా చిత్రం ‘AA22’ నుంచి ఓ కీలక అప్డేట్ వెల్లడైంది. ప్రముఖ తమిళ దర్శకుడు అట్లీ ఈ సినిమాను తెరకెక్కిస్తుండగా, ఈ చిత్రానికి సంబంధించిన అధికారిక అనౌన్స్మెంట్ వీడియోను అల్లు అర్జున్ తన X ఖాతాలో పోస్ట్ చేశారు.ఈ వీడియోతో పాటు “ఊహకు అందని ప్రపంచం” అనే ఆసక్తికరమైన క్యాప్షన్‌ను కూడా జోడించారు, దీంతో ఈ సినిమా ఒక విభిన్నమైన కాన్సెప్ట్‌తో రూపొందనుందనే అంచనాలు మొదలయ్యాయి. ఈ ప్రాజెక్ట్‌ను ప్రముఖ నిర్మాణ సంస్థ సన్ పిక్చర్స్ నిర్మిస్తోంది, ఇది సినిమాకు మరింత బలాన్ని చేకూర్చే అంశంగా చెప్పవచ్చు. అట్లీ లాంటి హిట్ డైరెక్టర్‌తో అల్లు అర్జున్ కాంబినేషన్, అది కూడా సన్ పిక్చర్స్ బ్యానర్‌లో రావడంతో అభిమానుల్లో హైప్ రెట్టింపు అయింది.ఈ సినిమా గురించి మరిన్ని వివరాలు త్వరలో వెల్లడి కానున్నాయని భావిస్తున్నారు. ప్రస్తుతానికి ఈ అనౌన్స్మెంట్ వీడియో అల్లు అర్జున్ అభిమానులకు పండగలా మారింది.